وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد
هناء ابو علي -كود//
واحد القسيس كاثوليكي امريكي كان هربان لمدة 25 عام من ميريكان بسبب تهم اغتصاب اطفال و بيدوفيليا تم توقيفو ف المغرب و ترحليو بالضبط لولاية نيو ميكسيكو.
السيد سميتو ارثر بيرو و فعمرو 80 عام وكان دار هاد الجرائم ف مدينة البكيركي مابين 1991 و 1992 ضد اطفال اغلبهم ولاد العسكر كانو كايجيو للكنيسة فاش كان خدام وسط قاعدة عسكرية و هما اعمارهم اقل من 12 عام و من بعدها هرب و اختفى تماما حتى وصلات ليه الاف بي اي ولقاتو فطنجة اللي كان خدام فيها استاذ اللغة الانجليزية ف المركز اللغوي الامريكي..
السيد تم ترحليو ف اكتوبر 2017 و يالاه هاد السيمانة بدات المحاكمة ديالو ف مريكان و فندوة صحفية قال عميل الاف بي اي جيمس لانكبرك اللي مكلف بالقضية انهم كايشكرو المغرب على التعاون ديالو معهم و انهم مزال كيبحثو الا المتهم دار جرائم اخرى ف المغرب بحق ضحايا اخرين ف هاد السنوات كلها..