أسماء غربي- كود//

محمد نجيب بوليف، كاتب الدولة المكلف بالنقل الحالي، فاش كان برلماني يعتبر من اشد المعارضين لقطار فائق السرعة تي جي في لي تعطات انطلاقتو امس بحضور الملك ورئيس فرنسا.

بوليف كان قال فواحد لقاء حزبي قبل كثر من 10 سنين هادي، بأن هاد صفقة التيجيفي كانت لإرضاء فرنسا، موضحا أن “أن المغرب باغي في عهد الرئيس الفرنسي الأسبق نيكولا سركوزي إرضاء حليفه الاستراتيجي، صاحب الموقف الإيجابي من قضية الصحراء، خصوصا مور الصفقة لي دار المغرب مع الولايات المتحدة الأمريكية فاش شرا طائرات إف 16، بلاصت طائرات رافال”.

وبسبب هاد الصفقة على حسب بوليف مشات صفقة التيجيفي لفرنسا لكن بوليف البارح لاح تصاور وقال بلي عجبو القطار السريع وركب مع الوزراء فالتيجيفي.

وحسب متتبعون لـ”كود” فأن الشركة لي مكلفة بالتيجيفي، لقات راسها فمنافسة كبيرة مع شركات اجنبية اخرى في عدة دول، وبانت ليها فالمغرب وجات استثمرت فيه، كما أنه جدير بالذكر أن زوجة ماكرون عندها اسهم في الشركة لي كتحمل اسم “استروم”.

ويطرح اشكال في الصفقة هي انها تمت بدون فتح الأظرفة.