كود – كازا ///

قال موقع إلكاثو الكطالوني، أن موسوس دي اسكوادرا (الشرطة الكطالونية الإقليمية) حجزات كثر من 112 بورطابل و3 ديال الپسيات، واحد منهم مشفور فالطاليان، على متن حافلة كانت متجهة من إيطاليا إلى المغرب.

وأضاف المصدر ذاته، أن العملية جات ف إطار مراقبة روتينية للمركبات ف كامبريلس (تاراغونا)، وبعد تفتيش الأمتعة المخزنة ف الحافلة اللي عندها لوحات ترقيم مغربية لقاو البوليس المحجوزات اللي كلشي نفى علاقتو بها. كما تم تغريم الشوافرية بمبلغ 4000 يورو بسباب الكذوب ديالهم.