الرباط كود ////
البارح الأربعاء بسوق العفاريت بآسفي، أعضاء من الجمعية الوطنية للدفاع عن حقوق الانسان، حصلوا واحد الضابط شرطة كان هربان لأكثر من 12 عام، وراه حكم غيابي بعشرة سنوات بابتدائية مراكش بسبب مقتل مواطن أثناء تدخل أمني.
أعضاء الجمعية بان ليهم في السوق كيدور بعدما جا من مراكش فين ساكن، عيطو للوكيل العام للملك بآسفي، وصيفط ليهم الشرطة القضائية بعدما وقفوه وحاصروه.
هاد الضابط كان مسؤول بفرقة مكافحة المخدرات، وكان محط شكايات من سجناء بآسفي تعرضوا للتعذيب على يديه، حتى وصلو يديرو إضراب في سجن آسفي على قبلو، بعدما غيتسالا التحقيق غدي يصيفطوه لجنايات مراكش فين تحكم عليه بعشر سنوات لمواصلة التحقيقات.
