وكالات – كود//

كندية في عمرها 20 عام ماتت بعدما باسها صاحبها بوش آ بوش، حيت جاها نقص حاد في تدفق الأكسجين في المخ.

البنت عندها حساسية من الفول السوداني، وصاحبها ماكانش عارف، وقبل ما يجي يتلاقاها كلا سندويتش فيه زبدة الفول السوداني، ووقعات الواقعة المؤلمة.

في البداية جاتها نوبة ربو حادة، وواخا دارت الدوا مفاتهاش الحال واضطرات تمشي للسبيطار، ولكن ماتت قبل ما توصل ويعتقوها.

وكشف تشريح الجثة أن الفتاة كانت تعاني من انكماش شديد للدماغ، جراء نقص الأكسجين، حيث توقف تماما عن التدفق إلى المخ.