25/04/2024 05:00
مصر عايشين فالقرون الوسطى كثر منا.. النيابة العامة ديالهم شدات بلوكَوز مشهورة بسباب فيديوهات “خادشة للحياء”
وكالات //
باع المغني الميريكاني بوب ديلان (Bob Dylan) حقوق كَاع المجموعات الموسيقية المسجلة ديالو لشركة “سوني” (Sony Music).
الاتفاق تم فالصيف اللي فات ولكن الإعلان الرسمي اختاروه يكون هاد السيمانة.
المجموعة الموسيقية ديال أسطورة الفولك، الروك، البلوز و موسيقى الكاونتري، واللي كيبلغ العدد ديالها 39 ألبوم، تصاوبو فـ6 عقود من حياة المغني اللي عندو جائزة نوبل ديال الآداب، وكتشمل أول ألبوم بسميتو اللي خرج عام 1962 حتى لـ”Rough and Rowdy Ways” اللي خرج فـ2020.
قيمة الصفقة ماكشفوش عليها الأطراف، لكن المواقع المتخصصة فالقطاع الموسيقي بحال “بيلبورد” و”فراييتي”، قدراتها بحوالي 200 مليون دولار، حسب مصادرهم.