الرئيسية > كود-تيفي > بنكيران طلع ضد الفصل 490: إلى سديتي عليك بابك ماسوق حد فيك.. وهذ القانون جابو اليوطي – فيديو
24/07/2021 22:00 كود-تيفي

بنكيران طلع ضد الفصل 490: إلى سديتي عليك بابك ماسوق حد فيك.. وهذ القانون جابو اليوطي – فيديو

بنكيران طلع ضد الفصل 490: إلى سديتي عليك بابك ماسوق حد فيك.. وهذ القانون جابو اليوطي – فيديو

عفراء علوي محمدي- كود//

اعتبر عبد الإله بنكيران، رئيس الحكومة السابق، والأمين العام السابق لحزب العدالة والتنمية، أن القوانين اللي كتعارض الحريات الفردية فالمغرب، اللي كتدار بالسترة، لا علاقة لها بالإسلام.

وزاد، فلايف ليه اليوم على صفحتو ف”فيسبوك”، ان هذ القانون اللي بحال هكذا، فإشارة للفصل 490 من القانون الجنائي، جابو الماريشال اليوطي خلال الاستعمار، والدين مافيهش هكذا، “ما يمكنش فالدين يجي يدق عليك بابك شي حد، تسد بابك إلى بغيتي هذاك شغلك، اللي لا يجوز هو تدير داكشي علنية”، كيقول بنكيران.

https://www.facebook.com/1634847513416903/posts/3043425105892463/

“أما إلى جا الإنسان يدير هذشي برا، فالمجتمع غدي يتفاهم معاه، ومايخليهش”، كيضيف بنكيران.

ومعروف أن الفصل 490 من القانون الجنائي، اللي كيجرم العلاقة الجنسية الرضائية خارج إطار الزواج، توضع مع جملة من القوانين اللي تضمنها القانون الجنائي لسنة 1962، واللي كان شرف على وضعها الماريشال اليوطي.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه