“هيت راديو”: ما عندنا علاقة باللي وقع وغاديين نتابعو قانونيا للي كيشوه فسمعتنا
مصطفى الشاذلي – كود سبور //
بنعطية عاود حكاية واقعة مغادرة حمد اللـه لمعسكر الأسود بالمعمورة، و اللي كانت قبل المشاركة فكأس افريقيا 2019 ف مصر.
العميد السابق للأسود قال، في مقابلة صحفية مع موقع “winwin”، إن عبد الرزاق حمد اللـه، مهاجم النصر السعودي، مشا من المعسكر المنتخب بعد وقوع مناوشات بينه وبين اللاعب يونس بلهندة خلال إحدى الحصص التدريبية و بعدها في الفندق، بالإضافة لقضية ضربة الجزاء في مباراة كَامبيا الإعدادية و اللي كان تكلف بتنفيذها فيصل فجر بتعليمات مباشرة من طرف المدرب الفرنسي رونار.
وأضاف “خرجنا ندورو شويا، و من بعد فاش رجعنا ل لوطيل سمعنا بللي حمد اللـه ناوي يخوي و يمشي فحالو، و مابقاش باغي يبقا معانا”.
وأشار المدافع المغربي إلى أنه دوا مع عبد الرزاق حمد الله بعد الحادثة مع فجر وداكشي لي وقع ليه حتى مع بلهندة، مبرزا أن هاد الصفحة تطوات وتحول مباشرة، بعدها، تركيز اللاعبين على البصم على مشاركة مزيانة ف “كان” مصر.