كود سبور – تيلكيل//

الدولي المغربي السابق، المهدي بنعطية، دار حوار مع مجلة “تيلكيل” الناطقة بالفرنسية، هضر فيه على بزاف ديال الحاجات.

وقال بنعطية: “سالا عقدي في قطر، وهادي أول مرة غادي نكون فيها لاعب حر.. غادي نكون ف إجازة لمدة شهرين وغادي نفكر فيها إذا ما كنت غادي ندير حدا لمسيرتي الكروية ولا لا.

واضاف بنعطية: عاد خديت دار ف مراكش، وباغي نسكن فيه مع عائلتي على المدى القصير ولا المتوسط. عندي الكثير من المشاريع ف المغرب والرغبة أيضا في إنشاء أكاديمية رفيعة المستوى كتجمع بين كرة القدم والدراسة. وفكرت في ذلك طيلة مساري المهني..

وزاد اللعاب المغربي: “يمكن نشري نادي مغربي ونعاود هيكلته. وغادي نجتاز أيضا الاختبارات اللازمة باش نولي وكيل أعمال أو مدرب. وكاين شيء آخر مهم بزاف بالنسبة لي، وهو مؤسستي للأعمال الخيرية”.