ميريكان غادي تعطي مكافأة ديال 10 مليار لأي واحد غادي يعطيها معلومات على المشة الكحلة
كود كازا ///
رئيس الحكومة دار مرسوم صادق عليه المجلس الحكومي يوم الخميس 16 يوليوز 2020 فيه قرار فيه “تعين على الوزراء ومسؤولي المصالح المركزية أو الخارجية، والمؤسسات العمومية، والجماعات الترابية، قضاء الإجازات خلال سنة 2020، داخل أرض الوطن، وتشجيع السياحة الداخلية، وإنعاش القطاع السياحي بمختلف أنشطته”.
بنعرفة بنفسو نيت البارح دوتويتا فحسابو الشخصي فيديو ديال “روسيا اليوم” لتشجيع السياحة في الاندلس. طبعا من غير مضمون هاد الفيديو اللي فيه ميساجات كيتعارض مع مواقف الدولة المغربية وقريب اكثر لافكار الاخوان والدواعش اللي كيفكرو يسترجعو الاندلس فردوسهم المفقود٬ ولكن كيفاش رئيس حكومة دار مرسوم يمنع فيه السفر للخارج للوزراء وكبار مسؤولي الدولة وموظفيها ويشجع فيه السياحة الوطنية وفصفحتو دار دعوة للسفر للخارج.
بعد ساعات من هاد لفضيحة حيد التويت ولكن اللي عطى الله عطاه
هادي ايام عاد نشر تويت ديال شي واحد كيهدر علي اوطوروت فالصحرا. قدمها علي انها فالمغرب وهي فالسعودية.
رئيس حكومة ما صالح لوالو. هو عارفها ويجي يساهم فضرب قرارات مجلس الحكومة اللي كيترأسو اللي خداها. هادا العبث