هشام اعناجي – كود الرباط//

قال محمد بنشعبون، وزير الاقتصاد والمالية، في ندوة لصندوق النقد الدولي ان المغرب غادي انفق ما يعادل 12 بالمائة من الناتج الداخلي الاجمالي (120 مليار درهم تقريبا)لدعم الاقتصاد بما في ذلك عن طريق قروض تضمنها الدولة.

اربعة بالمائة غادي تمشي للصندوق الاستراتيجي لي تكلم عليه الملك في خطاب افتتاح البرلمات والدور ديالو مساعدة الشركات الصغرى.

وقال بنعشبون بأن تمويل ديال هاد الصندوق غادي ايكون عبر الابناك.

وأضاف المتحدث ان هاد الموصيبا ديال كورونا عرات الهشاشة لي كاينا فالاقتصاد وذكر بان خمس ملايين اسرة خدات الدعم ديال كوفيد.

وتتوقع الحكومة انكماشا الاقتصاد ب ناقص 5,8 هاذ العام مقابل نمو ديال 4,8 العام المقبل الا طاحت الشتا مزيان وبقا لبيترول هابط.

صندوق النقد الدولي كان اكثر تشائما في توقعاته حيث قال ان الاقتصاد المغربي غادي اتقلص هاد العام ب 7 بالمائة مقارنة مع انكماش 6,3 بالمائة لي قالها بنك المغرب.