نجوى المالحي -كود//

كيف العادة سعد لمجرد حقق رقم مشاهدة كبير في وقت قصير. البارح خرج أغنيتو الجديدة “نجيبك نجيبك” لي مصورة على طريقة الفيديو كليب.

وفي 12 ساعة شد راس الطوندونس في اليوتوب المغربي بمليون و600 ألف مشاهدة.

الأغنية فيها 3 ديال الدقايق، والفريق اللي خدم عليها كامل مغربي مشاو عندو من المغرب لفرنسا لي ممنوع يخرج منها حتى يفك قضية التهم الموجهة ليه بالاغتصاب من جوج فرنساويات.

فيديو لمجرد محيح حتى في الانستكَرام، والناس تفاعلو معاه وبداو كيحطو فيديوهات قصار كيغنيو مع الأغنية باش هو يحطهم في الستوري عندو.