28/03/2024 19:50
الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف
عفراء علوي محمدي- كود//
دارت القنصلية العامة فاسطنبول أبحاثها، ونسقات مع السلطات التركية واتضح أن البنت، اللي لقاوها مقتولة فاسطنبول، ماشي من جنسية مغربية، كيف راج على مواقع التواصل الاجتماعي وبعض المواقع الإعلامية.
ووضح مصدر من القنصلية، فاتصالو مع “كود”، أن البنت من جنسية أجنبية أخرى.
ولقاو بوليس اسطنبول بنت مقتولة، من بعد ما اقتحمو برطمة بمنطقة بي اوغلو فالمدينة، بناء على الشكايات ديال الجيران اللي بقاو يشمو ريحة خايبة بزاف لازيد من سيمانة.
والبوليس منين اقتحمو البرطمة لقاو البنت ميتة، كالسة على كرسي وملوية فبطانية، والدم كاين فكل مكان، وبينات التحريات أن البنت ماتت هذي أكثر من 10 أيام.