الرئيسية > ميديا وثقافة > بمشاركة الممثل المغربي يوسف قرقور.. فيلم “الخيميائي” المستوحى من رواية باولو كويلو غيتصور فالمغرب هاد شتنبر
14/07/2021 20:00 ميديا وثقافة

بمشاركة الممثل المغربي يوسف قرقور.. فيلم “الخيميائي” المستوحى من رواية باولو كويلو غيتصور فالمغرب هاد شتنبر

بمشاركة الممثل المغربي يوسف قرقور.. فيلم “الخيميائي” المستوحى من رواية باولو كويلو غيتصور فالمغرب هاد شتنبر

كود- عن Bladi.net//

غدي يتصور فيلم “الخيميائي”، المستوحى من الرواية الأكثر مبيعا للكاتب البرازيلي الشهير، باولو كويلو، فشتنبر الجاي فالمغرب، وغيتم هذشي بناء على عقد حصل عليه المركز السينمائي المغربي.

كتبلغ قيمة الفيلم 200 مليون درهم، وهو من إخراج الأمريكي كيفن فراكيس، وبمشاركة نجوم عالميين، بحال سيباستيان دي سوزا ، وتوم هولاندر ، وشهره أغداشلو ، والممثل المغربي يوسف قرقور، والفلسطيني أشرف برهوم، وآخرون.

وحسب الرواية، فالفيلم غيهضر على قصة شاب أندلسي سميتو سنتياكَو، وخدمتو راعي، غدي يفكر يقلب على كنز باش يغير حياتو.

هذ الرواية تباعت منها أكثر من 100 مليون نسخة، وترجمات ل56 لغة، وتلقى من خلالها الكاتب البرازيلي 6.5 مليون دولار فحقوق الطبع والنشر.

وغدي يتصور الفيلم ف4 مدن مغربية رئيسية هي مراكش والصويرة وارفود وفاس، وفهذ الصدد قال زكريل العلوي، رئيس شركة Zak Production اللي كدير الإنتاج التنفيذي للفيلم إلى جانب الشركة الأمريكية، أن القائمين على العمل سافرو فجميع انحاء المغرب، والفريق فاللخر ختار هذ المدن الأربعة.

وزاد أنه غيتم اختيار ممثلين مغاربة للمشاركة فالتصوير.

ومن المقرر يستمر التصوير 4 شهور، ويخرج الفيلم ف2022.

https://www.bladi.net/tournage-alchimiste-maroc,84476.html

موضوعات أخرى

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق