اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي
كود سبور//
أكد اللاعب المغربي الشاب بلال الخنوس من جديد على الرغبة ديالو باش يلعب للمنتخب الوطني المغربي فالمستقبل ديال المشوار ديالو الدولي فكرة القدم، ورفض مقترح من الاتحاد البلجيكي باش يلعب لبلجيكا.
وكشفت مصادر مطلعة على أن اللاعب الشاب المزدوج الجنسية بلال الخنوس لي كيلعب ففريق جينيك البلجيكي، جاتو اتصالات جديدة من الإتحاد البلجيكي لكرة القدم لي باغيه يلعب فالمنتخب البلجيكي.
بلال الخنوس لي عندو 18 سنة، أكد مرة أخرى للمسؤولين البلجيكيين على أنه حسم فالقرار ديالو وما ماغيتراجعش فاللعب للمنتخب المغربي وشدد على أنه مرتاح لهذا القرار والعائلة ديالو سعيدة به.
للإشارة فبلال الخنوس سبق له لعب فالفئات السنية ديال المنتخب البلجيكي لأقل من 15 و 16 سنة، والتحق بالمنتخب الوطني المغربي لأقل من 17 سنة.