19/04/2024 10:47
موتسيبي رئيس الكاف وصل للرباط ومشى لمركز محمد السادس وعندو أنشطة مهمة فالمغرب هاد الويكاند
كريم الصوفي – كود//
ذكرات تقارير إخبارية، أن السلطات البلجيكية قررت، مؤخرا، تحيد تصريح الإقامة من إمام مسجد الخليل اللي كيتعد من أكبر مساجد منطقة مولينبيك ف بروكسيل. هاذ الإمام صنفاتو تقارير لأجهزة المخابرات المحلية بأنه كيشكل تهديد للأمن القومي.
خبر تجريد الإمام المغربي محمد التوجگاني من لوراق ديالو، أعلن عليه وزير الدولة لشؤون اللجوء والهجرة، اللي زاد أكد أن هاذ الأمام اللي هو رئيس رابطة الأئمة المغاربة في بلجيكا، خاصو يخوي البلاد وممنوع عليه يدخل لبلجيكا لمدة 10 سنين بسبب التصريحات المتطرفة المتكررة ديالو واللي بداها ف 2009، بعدما دعا لحرق اليهود ردا على قصف المدنيين الفلسطينيين في غزة سنة 2009.
الوزير البلجيكي اعتبر ان هاذ الاجراء هو رسالة للناس اللي كينشرو خطاب الكراهية فهاذ الفضاءات وميساج واضح من المجتمع لأي واحد باغي يقسمو ويهدد الأمن ديالو أنه غير مرحب بهم في بلجيكا.
وأضاف الوزير سامي مهدي، أن الإمام موجود خارج البلاد وحتى لو قدم استئناف ضد سحب تصريح الإقامة منو، ف قانونيا ما عندو ما يصور بسبب صدور القرار ف أكتوبر 2021.
