اسماء غربي – كود//
المخرجة المغربية نرجس النجار دارت فيلم سينمائي جديد كيهدر على المغاربة لي طرداتهم الجزائر هادي 44 عام.
الفيلم من بطولة الغالية بن زاوية، وأفيشاي بنعزرا، وعزيز الفاضلي، ونادية النيازي، ومحمد نظيف، وجولي غاييه، وآخرون.
رابع فيلم طويل ديال نرجس اختارت ليه عنوان “بلا موطن” “Apatride” غادي يخرج في السينما مارس الجاي، والمدة ديالو 95 دقيقة، وكيعاود قصة طفلة طردوها من الجزائر هي وباها وبقات مها تما.
المخرجة بعدات على الزاوية السياسية والاجتماعية، وبغات توصل الفكرة إنسانيا وتمس قلوب الناس.