20/04/2024 01:00
نهضة بركان غيمشيو من مطار الجزائر للوطيل يرتاحو والكاف عطاهم ضمانات على التونيات
كود سبور//
عبر بلال الخنوس لعاب المنتخب الوطني المغربي على الفرحة ديالو بانتصار ليكيب ناسيونال على بلجيكا وأكد بلي الماتش ماكانش ساهل، قال بلي غادي يلعبو ضد كندا باش يربحوها.
وقال بلال الخنوس فتصريح للموقع الرسمي ديال الجامعة الملكية المغربية لكرة على هامش الحصة التدريبية ديال المنتخب المغربي اليوم: “لعبنا ماتش زوين بزاف البارح خصوصا فالشوط الثاني، وفالشوط الأول كان صعيب عكس الجولة الثانية اللي خدمنا مزيان وربحنا 3 النقاط وهادشي هو اللي مهم”.
وبخصوص ماتش المغرب وكندا الخميس الجاي قال الخنوس: “شفت الماتش ديال كندا ضد بلجيكا عندهم فرقة مزيانة ولعابا زوينين ولكن إلى لعبنا بجيدة غادي نربحو 3 النقاط فهاد الماتش”.
