المغرب: كنرفضو إقتحام المسجد الاقصى وقيام دولة فلسطينية هو اللي غادي يساهم فإحلال السلام
عن سكاي نيوز//
كورونا أثرات على “البلاك فرايداي” هذ العام بشكل كبير، وهذشي بان فمراكز التسوق والمتاجر في جميع أنحاء الولايات المتحدة يوم الجمعة السوداء، بحيث ارتفعات أرقام التسوق عبر الانترنت، وماشي بزاف اللي ختارو يتسوقو فالمتاجر والمحلات.
فالفترات العادية، كيكون “البلاك فرايداي” هو اليوم الأكثر ازدحاما فالمحلات التجارية عبر العالم، بحيث كتجذب ملايين المتسوقين، لكن دابا مع الارتفاع الكبير فحالات الإصابة بالفيروس، هذ الشحود تضاءلات، والأغلبية فضلو يتسوقو عبر الأنترنت.
وعلى عكس العام اللي فات اللي كان فيها الزحام، متاجر وولمارت فواشنطن كانت تقريبا خاوية من بنادم، والتجار كانو على علم بهذشي وقررو يقدمو عروضهم وسلعتهم على الأنترنت بكري، كيف نقصو أثمنة المنتجات بنسب كبيرة.
فالمقابل، قدم الاتحاد الوطني للبيع بالتجزئة فميريكان نظرة متفائلة على الوضع، وتوقع أن تزيد المبيعات في شهري نونبر ودجنبر بين 3.6 في المئة و 5.2 في المئة، مقارنة بالزيادة في عام 2019، واللي بلغت نحو 4 في المئة عن العام اللي فات.