الرئيسية > آش واقع > بلاغ مجلس النواب فضح ضعف كفاءة غياث رئيس فريق الأحرار وبين جهلو بالمؤسسة التشريعية
26/01/2022 16:00 آش واقع

بلاغ مجلس النواب فضح ضعف كفاءة غياث رئيس فريق الأحرار وبين جهلو بالمؤسسة التشريعية

بلاغ مجلس النواب فضح ضعف كفاءة غياث رئيس فريق الأحرار وبين جهلو بالمؤسسة التشريعية

كود الرباط//

رئيس فريق الأحرار محمد غياث، بين مرة أخرى عدم كفاءتو وعدم قدرتو على تحمل مسؤولية أكبر فريق نيابي في الولاية التشريعية الحالية.
غياث بغا يدافع على الحكومة وساء ليها، وبين على جهلو للمؤسسة التشريعية، فاش قال فالأسبوع لي فات بلي رئيس الحكومة غادي يحضر نهار 29 فهاد الشهر.

بلاغ مجلس النواب كذب وفرش ضعف كفاءة غياث، بحيث أوضح :”تطبيقا لأحكام الفصل 100 من الدستور ومقتضيات المادتين 278 و283 من النظام الداخلي، يعقد مجلس النواب – البرلمان المغربي جلسة عمومية للأسئلة الشفهية الشهرية الموجهة لرئيس الحكومة المغربية حول السياسة العامة، وذلك يوم الاثنين 31 يناير 2022 على الساعة الثالثة بعد الزوال”.

وسبق لعبد النبي عيدودي، البرلماني عن فريق الحركة الشعبية، أن شكف التناقضات لي جات فكلام غياث خصوصا فاش قالي بلي المساءلة الشهرية غاتكون نهار 29 فهاد الشهر، موضحا :”29 فالشهر جات نهار السبت واش كاين شي برلمان نهار السبت”.

وتابع عيدودي لـ”كود” :”هاد غيات لي وصف اعضاء فالمجلس الاقليمي بسطات بلي اميين، خصو يضبط بعدا المساءلة البرلمانية ويعرف امتى كتكون مساءلة رئيس الحكومة”.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه