فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا
وكالات //
الشاب السينكَالي خابي لام (Khaby Lame) ولى هو الشخص الأكثر متابعة على تطبيق “تيك توك” للمقاطع المصورة القصيرة، بعدما وصل عدد الناس اللي متابعينو لمجموع 142.7 مليون شخص حول العالم (فحدود العشية ديال البارح).
وقدر لام وهو سينكَالي، عندو 22 عام، وجابوه واليديه للطاليان فالعام اللول من عمرو، (قدر) يولي من الشخصيات المشهورة على الأنترنت، واشتاهر بشكل أساسي فبث مقاطع ماكيدويش فيها وكيطنز من خلالها على فيديوهات دايعة فمختلف مواقع التواصل الاجتماعي.
انضم خابي لام، وسميتو الحقيقية هي خابان لام (Khabane Lame)، لبلاتفورم “تيك توك” فشهر مارس 2020، بعدما جراو عليه من لوزين اللي كان خدام فيه فالطاليان، فإيامات الكونفينمون ديال جايحة كورونا وقدر فوقت قصير يتشهر ويدير بلاصتو عالميا، ويغير وضعيتو من واحد شومور جراو عليه من الخدمة فوقت خايب ديال الحجر الصحي والقضية مقودة، إلى شاب كتقطر عليه الملاين بفضل فيديوهات قصيرة كوميدية كلها طنز كيلونصيها ف”تيك توك”.