كود – عن لوباريزيان//
كشفات “لوباريزيان” أن فروماج “لافاش كيري” كيتباع بزاف فالدول المغاربية، وخصوصا فالمغرب، كثر من فرانسا براسها اللي كتنتجو وعاد باقي دول العالم اللي كتستهلكو.
وقالت الجريدة الفرنسية أن الشركة، اللي غتكمل غدا 16 أبريل 100 عام على تأسيسها، كتستهلك ف120 دولة عبر العالم، وعندها 12 مركز إنتاج، وواخا الرئيسي كاين ف”لون لو سونيي” ففرنسا، لكن ماشي هو اللي كينتج بزاف وكيربح بزاف.
وكشفات أن أكثر بلاصة كيتصوب فيها “لافاش كيري” هي مصنع طنجة، والمنطقة المغاربية كتعتبر هي الاكثر “المدمنة” على هذ الفرماج.
وفحديثو مع الجريدة، قال يوسف، وهو استاذ فرنسي من اصول مغربية عايش فبلدية “بيسانسون”، أن “لافاش كيري” من كثرة ما كياكلوها المغاربة ولاو يحساب ليهم منتوج مغربي وماشي فرنسي.
التفاصيل هنا: