كود الدوحة ///

الكاتب الجزائري المعروف ياسمينا خضرا كاعي على بلادو. بعد انتصار المغرب على بلجيكا ول البارح الاحد٬ جات الاخبار بالفرنسية فالقناة الجزائرية الرسمية وحيدات اسم المغرب او اي خبار عليه. الصحافية فالقناة الرسمية الجزائرية هدرات على نتائج المونديال وعطات نتائج يوم الاحد ماشي كلها. عطات نتائج 3 المباريات وحيدات ماتشنا ضد بلجيكا. وصل بيهم المرض حتى المونديال اللي جا ليه رئيسهم ما بغاوش يدوزو نتيجة فصالح بلادنا وعشرات الجزائريين شجعونا.

بنخضرا كتب فوسائل التواصل الاجتماعي ان هاد التلفزوين ما كيمثلش الجزائر. الشعب الجزائري. واضاف انو كيمثل الغباء والوضاعة كاع.

واوضح باللي خاص وزير الاتصال يعاقب مدير التلفزيون الجزائري وباللي خاصنا كجزائريين نتعلمو من ريوسنا قبل ما ندعيو باللي كنعرفو الاخر. واكد باللي الجزائريين الحقيقيين كيعرفو يفرقو بين لحوايج.

وان الجزائريين الحقيقيين كيفرقو بين الامور برقي.

بنخضرا ما جبدش التلفزيون ولكن هدر على هادوك الجزائريين باللي ما واعيينش بغباءهم