بعد مادونا.. مذيعة أمريكية مشهورة دارت عرسها ف مراكش
هناء ابو علي -كود//
نشرات العديد من الصحف و المواقع الامريكية المهتمة باخبار المشاهير خبرا ان مقدمة التلفزة و مصممة الديكور الامريكية جينيفيف كوردر دارت عرس ف واحد الرياض ف مراكش، هادشي جا بعد الصور اللي نشرات مادونا تا هي الشهر الفايت ملي دارت عيد ميلادها الستين ف نفس المدينة.
هادشي د المشاهير اللي كايجيو للمغرب هو اشهار كبير للسياحة، غير بالاسنتگرام و الفايسبوك و افضل من حملات اشهار وزارة السياحة، مابقا غير القضية تتنقا شوية من النصب و الاحتيال ديال شي تجار و شي موالين الطاكسيات الصغار و هاديك الساحة د جامع لفنا تتنقى من موالين الماكلة و ترجع ساحة للعروض الفنية كما كانت من قبل.