كود تطوان //

بعد فضيحة استفادة الإخوة “بو زعيتر” من رخصة لاستغلال الملك العام ب”مارينا سمير” في ظروف مشبوهة، سارعت جماعة المضيق لإخبار المواطنين الراغبين في الاستفادة من الرخص التجارية الموسمية على الشواطئ، أن آخر أجل لوضع الطلبات هو يوم الثلاثاء 31 ماي الجاري.

المثير فهادشي، حسب مصادر “كَود”، هو أن “بو زعيتر” خدا الرخصة في ظروف غامضة قبل موعد إعلان الجماعة على الاستفادة من هاد الرخص، مما يطرح بزاف ديال الأسئلة على شكون الجهة المسؤولة اللي واقفة مورا هاد العبث ديال ترخيص لواحد بحال هاد الشخص؟

إعلان الجماعة جا فيه أن اللي بغا هاد الرخصة خاص الملف ديالو يكون متكون من طلب الترخيص يتضمن نوعية النشاط وإسم الشاطئ، نسخة من لاكارط ناسيونال، جوج تصاور، التزام باحترام الشروط المنصوص عليها بدفتر التحملات، ووثائق أخرى.

دبا السؤال هو كيفاش هاد “بو زعيتر” خدا الرخصة قبل كلشي؟ وخاص يتعرف شكون اللي تسبب فهاد الفضحية ويتحاسب.. وعلاش عاد خرج الإعلان عن الاستفادة من الرخص للعموم؟ شكون المسؤول؟ أسئلة كثيرة تطرح.