وكالات //

منوض “برج إيفل” ديال ليبيا صداع كبير في البلاد وخالق البوز في فيسبوك، بعدما ناضت واحد المدينة سميتها عين زارة ودارت هاد البرج فقضية كتفكرنا بالقضية ديال برج إيفل ديال فاس.

غير هو الفرق بين البرج ديال فاس وديال باريس وديار ليبيا أنهم ماخلاوهش غير ديكور، بغاو يقضيو بيه الغرض وداروه بوطو ديال الضوء.

وبارطاجاو بزاف ديال الليبيين فيديو ديال هاد البرج لي كاين فوسط أكبر الشوارع ديال المدينة، ولي بان أن السلطات دارتو أصلا كبوطو ديال الضو ولكن الديزاين ديالو اقريب لبرج إيفل لي كاين في باريس.

الحاجة لي خلات الناس تكعا وتضحك في نفس الوقت هو أن هاد البرج ساد على الطوموبيلات الطريق، وكيضطرو أنهم يدوزو من تحتو باش يقدرو يكملو طريقهم.