نجوى المالحي- كود//
احتفلت الممثلة المسرحية مونيا لمكيمل مع الأصدقاء والعائلة بجائزة أحسن ممثلة كوميدية لرمضان 2020 ولي حصلت عليها بعد استفتاء مجلة سيدتي.
وشاركت لمكيمل صور على حسابها في انستكَرام وعبرت على الفرحة ديالها بتعليق كتبت فيه: “شكرا فرقتي.. شكرا اصحابي واصحاباتي.. سعيدة جدا بهاد المفاجئة وفرحانة أكثر لفرحتكم معايا شرفتوني ونورتوني.. كنبغيكم بزاااااف”.
واختارت مونيا لي بانت للجمهور المغربي في سلسلة “طوندونس” مع حسن الفد، تخصص تدوينة بوحدها لصورها مع راجلها وولادها كتبت عليها: “العائلة أهم حاجة فالدنيا الله يخلي ليكم واليديكم ووليداتكم وأحبابكم”.
مونيا لمكيمل، واخا اسم جديد في الساحة الفنية، ولكن قدرت دير بلاصتها، بموهبة كبيرة وخدمة ومجهودات ومتابرة.