الرئيسية > آش واقع > بعد انفجار بيروت.. المغرب غينظم جوج رحلات لإرجاع المغاربة الحاصلين فلبنان اليوم
07/08/2020 11:30 آش واقع

بعد انفجار بيروت.. المغرب غينظم جوج رحلات لإرجاع المغاربة الحاصلين فلبنان اليوم

بعد انفجار بيروت.. المغرب غينظم جوج رحلات لإرجاع المغاربة الحاصلين فلبنان اليوم

عفراء علوي محمدي- كود//

المغرب اليوم غيرجع العالقين المغاربة فلبنان، بحيث وجهات سفارة المملكة المغربية فبيروت إعلان الى كافة المواطنات والمواطنين المغاربة المقيمين والعالقين فلبنان والراغبين فالعودة، كتقول فيه بللي غيتم تنظيم جوج رحلات نحو المغرب، وذلك اليوم الجمعة 07 غشت 2020.

هذ القرار ديال هذ الرحلات تم اتخاذو بعد الانفجار اللي وقع فمرفأ بيروت مؤخرا، وتسبب فوفاة العشرات وتشريد المئات بعدما فقدو المنازل ديالهم، وولات العاصمة اللبنانية “مدينة منكوبة”.

واللي بغاو يرجعو غيتعين عليهم يتوفرو على وثيقة سفر خاصة بالآباء والأطفال الحاصلين على الجنسية المغربية، وفحص طبي PcR الخاص بالكشف على فيروس كورونا المستجد و فحص سيرولوجيكي لا يتجاوز 48 ساعة.

ومغايمكنش للمغاربة يسافرو إلى ماداروش الكشف، باستثناء الأطفال أقل من 11 سنة اللي معفيين منو.

وكان سبق للمغاربة العالقين والمقيمين فلبنان طالبو الحكومة المغربية بالتدخل السريع من أجل إرجاعهم للمغرب، خصوصا وأن الرحلات باقة محبوسة بين البلدين بسبب فيرو كورونا.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا