الرئيسية > آش واقع > بعد ارتفاع الإصابات فالجهة.. السلطات المحلية دارت مستشفى ميداني جديد ففاس لاستقبال مرضى “كوفيد 19”
04/08/2020 11:20 آش واقع

بعد ارتفاع الإصابات فالجهة.. السلطات المحلية دارت مستشفى ميداني جديد ففاس لاستقبال مرضى “كوفيد 19”

بعد ارتفاع الإصابات فالجهة.. السلطات المحلية دارت مستشفى ميداني جديد ففاس لاستقبال مرضى “كوفيد 19”

عفراء علوي محمدي- كود//

من بعد ارتفاع الإصابات الجديدة بفيروس كورونا المستجد فجهة فاس مكناس، وبحكم أن هذ الجهة عرفات أعلى نسبة ديال الإصابات اليومية بالمقارنة مع الجهات الأخرى فهذ اليوماين اللخرة، السلطات المحلية دارو مستشفى ميداني ففاس باش يستقبلو مرضى “كوفيد 19”.

هذ المستشفى غيهز 1200 سرير، وفيه جوج أجنحة دالرجال والعيالات، وفيه حتى فضاء ديال الرياضة والترفيه.

وهذ المستشفى غادي يحيد الضغط اللي كتعرفو السبيطارات بسبب ارتفاع الحالات المؤكدة، وكذلك الضغط فأقسام الإنعاش، وغادي يوفر أسرة إضافية للمصابين الجداد بالفيروس، كيف غيساعد على استئناف الخدمات فالمستشفيات بشكل اعتيادي بالنسبة لباقي المرضى اللي عندهم مشاكل صحية أخرى.

ولبارح سجلات جهة فاس مكناس إصابة 225 واحد بالفيروس، وهي اعلى نسبة إصابة بمورونا فالجهات، ومنه 201 حالة ففاس بوحدها.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه