الرئيسية > آش واقع > بعدما قدمات شهادة طبية.. المحكمة أجلات محاكمة ليلى لـ17 فبراير
22/01/2020 13:45 آش واقع

بعدما قدمات شهادة طبية.. المحكمة أجلات محاكمة ليلى لـ17 فبراير

بعدما قدمات شهادة طبية.. المحكمة أجلات محاكمة ليلى لـ17 فبراير

عفراء علوي محمدي- كود//

قررات المحكمة الابتدائية الزجرية فكازا تأجيل محاكمة الشابة ليلى، المتهمة فقضية المشاركة في الخيانة الزوجية والابتزاز عن طريق الصور الشخصية، حتى ل17 فشهر فبراير.
حسب مصادر “كود” مجموعة من المحامين كينتميو لهيئة دفاع كازا قرروا يتنصبو فالملف لمؤازرة الطرف المدني، وهي المحامية فاطمة الزهراء الإبراهيمي، اللي كتتهم ليلى بمشاركة فالخيانة الزوجية مع راجلها المحامي، فالوقت اللي تنازلات فيه لهذ الأخير على الدعوة.
وتأجلات المحاكمة بعدما تقدم دفاع المتهمة بشهادة طبية تثبت تعرضها لوعكة صحية، وقدم دفاع المتهمة شهادة طبية كتتبت تعرضها لمشكل صحي اللي غيمنعها من الحضور لمدة 15 يوما، هذا بالإضافة لالتماس مجموعة من المحامين مهلة للاطلاع على الملف.
وفي الوقت اللي قدم فيه الطرف المدني تصريحات للصحافة بالصوت والصورة كتتحدث على ابتزاز هذه الأخيرة لزوج المحامية وادعائها باطلا أنها أنجبت منه، غوتات أخت المتهمة بأعلى صوتها وقالت فباب المحكمة: “ليلى بنت الشعب هاذشي علاش حكَروها وتابعوها وما هي محامية ماكاتعرف محامين..”
وكانت ليلى فالجلسة الأخيرة حصلات على السراح المؤقت بعدما التمسات هيئة دفاعها ذلك، من أجل إرضاع ابنتها “نور” اللي كاتقول أنها ثمرت علاقتها بالمحامي زوج الإبراهيمي.
وكانت خرجات ليلى ففيديوهات وضحات فيها أنها تضررات بزاف بعدما رفض المحامي الاعتراف ببنتو فالأوراق، غير أن زوجته الإبراهيمي حركات متابعة ضدها، وتنازلات للراجلها بحجة أنه تعرض للنصب والابتزاز والتشهير من طرف المتهمة، كيفما قالت فتصريحات صحفية.
هذشي وكانت مجموعة من الهيئات الحقوقية النسائية استنكرات متابعة ليلى بوحدها فالقضية، واعتبرات أن هذا عنف ضد النساء فاش كانتنازلو للرجل الخائن ونعاقبوا المرا بالمشاركة فالخيانة، معلنة عن تضامنها المطلق مع ليلى.

موضوعات أخرى

29/03/2024 11:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة