نجوى المالحي-كود//

إلهام بنت مغني الشعبي عبد العزيز الستاتي المعروفة باسم illy دارت أغنية جديدة كلاشات فيها المغنية منال بنشليخة لي كانت حديث موازين مع الصحافيين والرابورة قرطاسة نسا.

الديسك سميتو “سوبر وومن”، وحطاتو إيلي في “انغامي” بعدما طيرو ليها لاشين يوتوب ديالها.

وفي يوماين شدات طوندونس الأكثر الأغاني استماعا في التطبيق الأول في الشرق الأوسط لي فيه أغاني النجوم العرب والعالميين.

وفي تصويرة الكلاش بانت إيلي هازة منال وقرطاسة في صبعانها بحال الكراكيز وهي كتعاود “غادي نلعب بيكم”.

منال معروفة بدمها البارد وخدمتها النقية، ولحد الان مازال مدارت حتى رد فعل، وبزاف ديال المعلقين دخلو كيكتبو ليها في التعاليق باش تجاوبها فشي كلاش، بحال كيفما وقع مع دون بيكَ وديزي دروس.

++++