إنسايدر مونكي : المغرب من بين أرخص الوجهات ديال العطلات العائلية فالعالم
نجوى المالحي-كود//
لأشهر طويلة، اسم عبد الصمد بنعلة لي كيقدم نفسو كطبيب باسم “دوك صمد” اختفى عن الأنظار ومبقاش اسمو متداول كيفما كان العام لي فات.
عبد الصمد معروف عليه حبو للأضواء والشهرة ولفت الانتباه من خلال الحديث في مواضيع الجنس والطابوهات. لكن وبعدما حط بالخطاء تصاورو فانستگرام وهو لابس حوايج العيالات وداير الماكياج وكيشطح على أغنية وائل الجسار، اختار صمد يبعد عن الأنظار.
وبعدما تفجرات قضية عصابة “حمزة مون بيبي” رجع عبد الصمد كيدير اللايفات على انستكَرام للحديث على الضرر لي تعرض ليه شخصيا من هاد الحساب لي حط تصاورو واخا هو كان مسحهوم، ورجع أيضا يدير اللايفات في قناتو ديال اليوتوب الجديدة.
دوك صمد كيضرب جوج عصافير بحجرة وحدة، كيدوي على موضوع ضرو وأثر عليه وعلى نفسيتو وفي نفس الوقت كيلفت الانتباه لشخصو وكيزيد المتابعين في اليوتوب.
وللفت الانتباه كثر، رجع دوك صمد كيحط فيديوهات من برنامجو في “هيت راديو” واختار البارح حلقة دار ليها عنوان “العازل الطبي هو الحل”.