نجوى المالحي-كود//
سكينة گلامور لي معروفة بالفيديوهات ديالها فاليوتوب واللايفات فانستكرام وسناب شات ولي تشهرات كثر في قضية حسابات “حمزة مون بيبي” وتم التحقيق معاها قبل ما يطلقو سراحها ويحيدو ليها الباسبور تخاصمات مع دنيا باطمة لي كانت عشيرتها وخدمات معاها ضد ومشات تصالحات مع المايكب ارتيست جواد قنانة لي منوض الحرب مع باطمة.
القضية وما فيها، البارح سكينة دارت جلسة تصوير مع نكافة في مراكش وگلسات في البرزة والدقة المراكشية باحل شي عروسة.
هاد الحب لي جمع سكينة وجواد ولي كامل ضد في دنيا باطمة خرج الأخيرة على صمتها، وكتبات فالستوري ديال انستكرام “ربنا لا تؤاخذنا بما فعل السفهاء منا”.
وقبل الشوتينگ مع قنانة، سكينة دقات على باطمة بعدما بانت صايگا طوموبيل دايرة مكانة “روليكس” وهي تكتب ليها سكينة “هاديك روليكس ديالك ولا ديال الرامي”.
هاد المعاطية باينة فيها ضواسة شاعلين، ودابا غادي يبداو التسريبات.
