نجوى المالحي- كود//
طلق الفنان نعمان بلعياشي، البارح الأحد، أغنيتو الجديدة “ألو”، وقدر يشد بيها الطوندونس في يوتوب، وضرب بيها أكثر من مليون مشاهدة في أقل من 24 ساعة.
نعمان بلعياشي لي أجل الأغنية ديالو بعدما كان قرر يخرجها في فترة ما قبل الحجر الصحي، هو لي كتب الكلمات وحتى اللحن تكلف بيه بشكل شخصي، في الوقت لي دار ليه التوزيع سامي الزناتي.
واختار بلعياشي يصور الأغنية في مسقط راسو تطوان، وهي المدينة لي كيصور فيها دائما فيديوهات أغانيه.