ملاك القوارب المعيشية فالداخلة: الأخبار على طي الضوسي ديال القوارب قفز على المكتسبات وإلتفاف على مطلبنا الأساسي
كود سبور//
رباب عرافي، العداءة المغربية دارت جهدها فسباق نهائي 1500 متر، ضمن منافسات الدورة 17 لبطولة العالم لألعاب القوى المقامة حاليا في الدوحة.
عرافي دخلات هاد السباق باش تجيب شي ميدالية على الاقل، لكن لقات قدامها عداءات قويات، لي سيطرن على السباق من الأول إلى اللخر.
فبعد نهائي سباق 800 متر، لي فشلات فيه البطلة المغربية، عاود فشلات ف1500 متر، بعدما كانت كتراهن على برونزية على الأقل.
السباق ديال 1500 متر سيطرت عليه العداءة الهولندية من أصل إثيوبية ستيفان حسن وفازت بالميدالية الذهبية، بعدما قطعت المسافة في 3د و51 ث و95 جزء من المائة، متقدمة على الكينية فايت كيبيكون (3 د و54 ث و22 جزء من المائة والإثيوبية كوداف تسيكاي (3د و54 ث و38 جزء من المائة).
أما عرافي المغربية الوحيدة، لي تأهلات إلى نهاية سباق 1500متر، فجات في الرتبة التاسعة بتوقيت 3 د و59 ث و93 جزء من المائة).