عمـر المزيـن – كود///

بطل عالمي من أصول مغربية صاعد في رياضة “الملاكمة”. يتعلق الأمر هنا بالألماني يونس زراع اللي تأثر بزاف بفيلم “روكي” المشهير، وهو اللي خلاه يدير هاد الرياضة وبغا يرجع بحالو.

زراع اللي عايش دبا فألمانيا هضرات معاه “كود” وقال باللي أنه بدا هاد الرياضة عادي 10 سنوات، وفي الأول دارها غير باش قاد الفورمة ديالو، مشيرا إلى أنه لعب شي 95 كومبا فالبداية مني كنت يلاه مبتدئ، ودابا بشكل رسمي 7 مباريات كلهم ربحهوم بين دول روسيا ورومانيا ودبي وإيطاليا وألمانيا، ودبا عندو نزال يوم السبت المقبل مع بولوني ويعتبر من أقوى الممارسين في وزن 63 كيلوغرام.

وأضاف البطل العالمي زراع لـ”كود” قائلاً: “أنا كيعجبني البطل المغربي بدر هاري في الكيك بوكسينغ والبطل المغربي محمد ربيعي في الملاكمة، والمغاربة في ألمانيا كيشجعوني وكيعرفوني وأنا فرحان بزاف حيث كنعلب بلون بلادي الراية المغربية وكنتمنا نهز ديما الراية المغربية وكولشي تيشجعني سواء مني كيتلاقاوني او عبر حسابي في الانستغرام”.

وبخصوص لقراية ديالو. فقد كشف زراع أنه يتابع دراسته الجامعية والسنة المقبلة غادي يلتحق بماستر الإدارة والأعمال في شعبة الاقتصاد، وحاليا كيدرب في دبي حيتاش فيها بزاف المنافسين وكيلقا أبطال من جميع بلدان العالم و كندربو تما.

دبا انهار السبت المقبل البطل العالمي زراع يونس عندو نزال في ألمانيا، وقال لـ”كود”: “كنتمنا كولشي يشجعني حيت باغي نهز علم المغرب وسيتم نقل المقابلة على اليوتيوب وغادي يكون حاضرين شخصيات ورياضيين معروفين وأكثر من 100 الف متفرج، وهاد النزال منظماه شركة ألمانية معروفة إسمها “يونبرزوم”، وهي شركة عالمية معروفة بتنظيم مثل هاته الملتقيات”.

وزاد قائلاً: “رسالتي للمغاربة يشجعوني حيث واحد النهار غادي نكون بطل عالمي ومثالي هو المدرب المغربي حنا كلنا نقدرو نوصلو للعالمية و هذا هو الحلم ديالي باش نهز حتا انا راية البلاد فمحافل دولية كبيرة. وأنا متأكد غادي نربح وانا واثق من نفسي أنني غادي نربح 100 في المئة، وهادي 8 اسابيع وانا كندرب”.