كود الرباط//

قدم نبيل الدخش، البرلماني عن حزب الحركة الشعبية، استقالته من عضوية مقاطعة حسان ومن مجلس مدينة الرباط، بسبب تضارب المصالح.

وكشفت مصادر لـ”كود” أن الدخش قدم استقالته حيث عندو محل تجاري بالسوق المركزي باب الأحد، بحيث :”يلا بغا يبقا عضو فالجماعة فالمحل ديالو غادي يكون محل السمسرة ويمشي ليه”.

الدخش فضل التجارة على السياسة فالمدينة، واخا عندو صفة البرلماني. ولكن هاد المستشار واش عاد بان ليه تضارب المصالح؟.. من الاول مايديرش السياسة.

هادي ضربة لمصداقية تمثيل الساكنة. هذا فضل مصالحو واستقل من المجلس.

خاص دبا المجلس يخرج لوائح المستغلين والمستفيدين من المحلات التجارية أو اليور ديال فاديزا (ديال جمعية الاعمال الاجتماعية للمجلس ف عهد عمر البحراوي)، بحيث كان حديث عن استفادة مستشارين من استغلال هاد المنازل.