وكالات //

البوليس في الهند شدو شخص في قضية محاولة اغتصاب، دابا طلقاتو محكمة “بيهار” (Bihar) لكن بشرط يصبن الحوايج ديال 2000 مرا لمدة 6 شهور.

هاد المجرم اللي عندو 20 عام غادي يشري المواد اللي خاصينو فهاد العمليات ديال التصبين من جيبو.

العيالات ديال قرية “ماجهور” (Majhor) في منطقة “بيهار” فرحو بزاف بهاد القرار اللي صدراتو المحكمة، وكلفو رئيسة المجلس القروي باش تقابلو وتراقبو واش داير خدمتو كما ينبغي.

وعتابرات الرئيسة أن هاد القرار هو تاريخي وغادي يخلي الشاب يعرف بقيمة أهمية احترام المرا وما يعاودش يفكر فارتكاب شي بسالة أو جريمة أخرى.