نجوى المالحي-كود//
بسبب جايحة كورونا لي ضربات العالم ووصلات حتى للمغرب، من 02 مارس حتى لدابا، المركز السينمائي خدا بزاف ديال التدابير باش يمنع انتشار الفيروس في الفترة المقبلة، ومن بينها أنه الزم الممثلين بالحجر الصحي.
المركز السينمائي خرج دليل طويل فيه التفاصيل على الشروط ديال التورناج في الفترة المقبلة، ولي من الأساسيات ان أي ممثل أو تقني خاصو يدير الحجر الصحي من بعد التروناج بزز منو.
الدليل فرض على أي طاقم أنه يوقف التصوير الا تم اكتشاف شي إصابة بكورونا، وحتى وقت التصوير ما غاديش يفوت 10 الساعات في كل نهار.