القيمة ديالهم ساوية 120 مليون سنتيم.. مغربي شفر كثر من 100 سمارتفون من التوريست ف اسبانيا وهرب للمغرب وغير رجع قرقبو عليه
كود اسماء غربي ///
لمغاربة اللي حاصلين برا تعطى برنامج الرحلات اللي غادي يبدا الاثنين 22 يونيو وغادي يسالي الخميس 25 يونيو. فهاد ليام غاديين يكونو 21 رحلة فيها 3030 مغربي. كلهم غاديين ينزلو فمطار اكادير المسيرة حسب هاد البرنامج. فغدا الاثنين كاينين 2 رحلات من باريس كل وحدة فيها 150 مسافر وكاينة رحلة من مونبوليي واخرى من امستردام ووحدة اخرى من تونس كل وحدة فيها بحال ديال باريس 150 مسافر اما الاخيرة اللي غادية تكون من دبي فيها 240 بلاصة. هاد الرحلات ما فيهاش بريطانيا والمانيا اللي حاصلين فيها شي مغاربة. كيفاش مدخلين دول غير اوربية ومخليين هادو
نهار الثلاث 23 يونيو كاينة عاود تاني جوج رحلات من باريس فيهم بجوج 300 مسافر ووحدة من ليون واخرى من دكار والاخيرة من بروكسيل وكل وحدة فيها 150 مسافر
نهار لاربعا 24 يوينيو عاود ثاني جوج رحلات من باريس فيهم بجوج 300 مسافر ووحدة من ليون فيها 150 مسافر والاخيرة من دبي فيها 240 مسافر
هاد الرحلات غادية تسالي حسب عاد البرنامج ديال الناس اللي غاديين يمشيو لاكادير نهار الخميس 25 ب5 رحلات. جوج من باريس كل وحدة فيها 150 مسافر ورحلة من ليون فيها 150 مسافر ووحدة من روما فيها نفس العدد واخيرة من بروكسيل فيها 150 رحلة.
هاد الرحلات غادية تنوض فيها كثر من اللي وقع فتركيا. لمغاربة حسو بدولتهم لاحتهم. تخلات عليهم. 3 اشهر وشي براكة وهما بعاد على عائلاتهم. شي عطاوه اقامة وشي اللا. شي تسجيل فيه شي وحدة خدامة فشي قنصلية ففرنسا كتطلب من لمغاربة ما يمشيوش للمطار ايلى ما عيطوش عليهم. هاد بنادمة كتطلب من وحدين مكرفصين “يزيدو يصبرو” وما “يكرروش اللي وقع فتركيا”. قالت باللي اللائحة جات من الرباط .
مواطن رد عليها فتسجيل وقال ليها ما سوقيش فلائحتكم. غادي نحضر مع الصباح فالمطار. بغيت كلشي لمغاربة يجيو يحضرو. بغينا نشوهو هادو اللي ضحكو علينا وتفلاو علينا. نيتكم ناقصة وغادي نجي وندخل صحة باش نرجع لبلادي.
دابا مغاربة خراين باغيين يجيو. باغيين يرونوهم وطالبين من كلشي يجيو.