وكالات //

علنات شركة “نتفليكس” أنها جرات على 150 موظف وهي تقريبا 2% من مجموع العاملين عندها، باش تربح شوية فلوس وتتنفس من الأزمة اللي كتدوز منها بسباب خسارتها لبزاف ديال ليزابوني، يعني بزاف دالفلوس.

الناطق بإسم “نتفليكس” قال لوكالة “فرانس برس” أن أغلب الموظفين اللي جراو عليهم من ميريكان وحتى النفقات ديال الشركة اللي خارج ميريكان نقصو منها.

وكانت “نتفليكس” علنات قبل أسابيع أنها خسرات ليزابوني لأول مرة منذ 10 سنين، الشي اللي ساهم فتراجع النمو ديال الشركة، وهادشي اللي فرض عليها تراجع تكلفة النفقات وتنقص منها بإجراءات مختالفة اللي من بينها تسريح عدد من الموظفين عندها.