كريم الشركي-كود///

قالت وزارة الأوقاف والشؤون الاسلامية فبلاغ ليها، أن في ظروف التدابير الاحترازية من عدوى وباء كورونا، تقرر ان صلاة العيد الكبير ماغاتدارش، سواء فالمصليات ولا المساجد، بسباب التوافد الكبير للمصلين، وصعوبة توفير شروط التباعد.

طبعا القرار جا بعد الارتفاع الكبير فحالات الاصابة بفيروس كورونا المستجد، وحالات الناس لي كيدخلو للانعاش، خصوصا ان الناس مابقاتش مؤخرا كتحتارم التباعد، ومابقاوش كيديرو الكمامات.

وحتى العام اللي فات كان قرر المغرب عدم إقامة صلاة عيد الأضحى، بالنظر للوضعية الوبائية اللي كانت داك الساعة.