كريم الشركي-كود///
تجارة التقسيط فسبتة، والى جانب تجارة الجملة، كانت كتعتامد على لمغاربة، وان كانت تجارة التقسيط كتعتامد ايضا على سكان سبتة.
هادشي بان فمقال دارتو ال فارو دي سيوتا، كيهضر على حجم تأثير اغلاق الحدود منذ بداية كورونا، واللي قالت ان انخفاض تجارة التقسيط سنة 2020 فعموم اشبانيا سجل عند حدود 5,6 فالمائة في حين وصل الرقم فسبتة لحدود 16,9 بالمائة، ما يعادل ثلاثة اضعاف كاملة عن المعدل الوطني.
وقالت الصحيفة ان سباب هادشي هو خنق الحدود، ومنع دخول وخروج المواطنين واللي أدى لانخفاش تجارة التقسيط بشكل كبير.
والى جانب التقسيط، فسبتة كتعاني من توقف تجارة الجملة بشكل تام، ما نتج عنه افلاس العديد من الشركات، حقاش تجارة الجملة كانت كتتم مع المغاربة فقط اللي ماعندهوم دابا منين يخرجو السلعة.
