اسماء غربي – كود//
المعجبين بالمغنية الأمريكية بريتني سبيرز غضبو منها بعدما نشرات نهار الخميس على حسابها على إنستگرام صورة للصباط لوبوتان قالت أنه مصوب من جلد الحنش وساوي 6000 دولار.
وكتبات بريتني تعليق على الصورة قالت فيه “ربع سنين دابا، شريت أول صباط ديال كريستيان لوبوتان بمبلغ 6000 دولار وعمرني لبستو”.
الفانز ديال المغنية الأمريكية نزلو عليها بالتعليقات والإنتقادات ضد ما وصفوه بالإنفاق المجنون لها وحتى على جلد الحيوان اللي تصنع منو الصباط وسماوه العنف ضد الحيوانات.