وكالات //

من بعد 6 شهور على رفع الوصاية اللي كانت مفروضة عليها من باها بقرار من المحكمة، احتافلات المغنية الميريكانية بريتني سبيرز بزواجها من صاحبها الإيراني سام أصغري، ودارو العرس فلوس أنجلوس، من بعد 6 سنين ديال التصاحيب.

حفلة الزواج عرفات لحظات ديال الروينة بعدما اقتاحم طليق بريتني سبيرز، “Jason Alexander”، الحفل وكان ناوي ينوض القربالة قبل ما يوقفوه ويشدوه السيكيريتي.

وقالو بعض المتتبعين بللي راجل بريتني السابق طاح على بلاصة العرس، اللي ماكانتش معروفة عند كلشي، بفضل واحد اللايڤ اللي كان مطلوق من وسط الحفلة فمواقع التواصل الاجتماعي.

وتزوجت النجمة الشهيرة من ألكسندر، في لاس فيغاس عام 2004، لكن تم إبطال هذا الزواج بعد أيام قليلة.

وفالكونط ديالها على موقع “أنستكَرام” شاركات بريتني سبيرز تصاور بمناسبة حفل الزفاف ديالها فرحانة وناشطة مع حبيبها الإيراني الأصلي سام وحتى مع ضيوفهم اللي عرضو عليهم، وخصوصا مع صحاباتها من نجمات عالميات فالغنا و التمثيل بحال مادونا وسيلينا كَوميز ودرو باريمور، وغيرهم. كلشي غنا وشطح وفرح بزواج الكوبل بريتني وسام.

https://www.instagram.com/p/CepJ5VnPayr/?utm_source=ig_web_copy_link

https://www.instagram.com/p/CepIHRFvwDC/