كود الرباط///

هاد الايام تنظم بمدينة بركان منتدى رقمي غابوا عليه الوزارء والمسؤوليين المركزيين ديال الدولة رغم دعوتهم وادراج كلمتهم في البرنامج، زيد على ذلك الميزانية الكبرى لي خصصت لهاد اللقاء ولي عرفت كثرة الطوابل ديال الغذا والحجز في الفنادق.

هادشي كايجي في سياق كتعرف فيه بركان الاستيلاء على اراضي الدولة والبناء في الاراضي السقوية رغم عدم موافقة وزارة الفلاحة،اخرها فيلات بلابسين تبنات فأرض ديال الدولة مكرية لأغراض فلاحية..

الوثيقة لي توصلت بها “گود” هي شهادة ملكية تؤكد ان الارض ديال الدومين والمعني كاري جزء منها لي دوزولو حداها طريق مزدوجة وتزوقت بالنخل ورجعوا بلانات ديال الخواص حداها يتباعوا باكثر من 5000 درهم للمتر.

شنو غايستافد المواطن من لقاءات كبيرة ديال الرقمنة وهو كيعيش الحكرة وشي يبني وشي لا؟