كود المحمدية//

السلطات بمدينة المحمدية يمكن عندها شي دراسة طلية، أو شي معلومات حصرية على علاقة كورونا بالحمير، لأنها دارت حملة لاعتقال الحمير، فالليل!.

الحملة طلقات حملة سخرية مضادة، حقاش المحمدية سجلات فالآونة الاخيرة 321 حالة اصابة، وبدل منع الناس من الخروج خصوصا فالأحياء الشعبية، كالعالية والحسنية والراشدية، السلطات مشات كتعتاقل الحمير.

السؤال المطروح هو واش خلال مدة اعتقالهم غايعطيوهوم ياكلو او غايبقاو بالجوع نظرا لكون ماكاينش مموني المحجز بالعلف.