وكالات-كود//
النجم الأمريكي براد بيت قال أنه مابكاش هادي 20 عام، واخا الظروف العائلية لي داز منها بعد طلاقو من الممثلة أنجلينا جولي.
وقال براد فحوار له مع مجلة Interview طرح عليه الاسئلة الممثل العالمي انطوني هوبكينس، أن هاد المشاعر القوية لي هو فيها الآن مزيانة وعلامة “جيدة بزاف”.
وقال بيت “معروف عليا ماكنبكيش، ولكن دابا أنا متأثر بزاف. متأثر بولادي والناس لي ضايرين بيا”، وأكد انه تعلم حاجة وحدة مزيانة هي يسامح راسو على جميع الاختيارات لي دار فحياتو.
واعترف أنه كان كيشرب بزاف باش يهرب من الحزن لي كان عايش وسط منو، ودابا كيكافح كل نهار باش يتغلب على هاد الادمان.
