نجوى المالحي-كود//
البطل العالمي المغربي بدر هاري ختار بلادو المغرب باش يوجد ويتريني استعدادا لمباراة الثأر لي غادي تكون مع الهولندي ريكو المعروف ب”الوحش” من هنا 5 اشهر.
ولد القنيطرة ماحددش في أي مدينة مغربية كاين، لكن الصورة لي حط البارح فانستگرام ديالو دار فيها “Morocco”، وبزاف ديال المعلقين فرحو حيت جا من بعد غياب طويل.
بدر هاري مستقر مع مراتو وبناتو في هولندا، ومن الوقت لي خرج من الحبس هادي هي أول زيارة ليه للمغرب.