هناء ابو علي – كود//
قالت نيويورك تايمز ان الامير البريطاني اشلي هيكس ، 55 عام، اللي مشهور بلي مختص ف الفن و الديزاين و هو ابن عم الامير ولي العهد تشارلز و عراب دوق ادمبرة غادي يتطلق من مراتو كاتالينا دي سوليس، اللي فعمرها 36 عام و هي اصلا حاملة، و السبب هي ان السي الامير اعترف ب خيانتو ليها مع واحدة من اعز صحاباتها اللي هي مارتينا موندادوري سارتوكو اللي ف الصورة.
نيويورك تايمز قالت ان الزوجة مشات من الدار و كلفات محامي باجراءات الطلاق، قصة هاد الزوجين ماشي قديمة حيث بدات غير قبل ثلاث سنوات و تبعوها الناس ف انستگرام كما تبعو زواجهم اللي حصل بعد اربع شهور من لقاءهم.
